hh
نصائح تقنية

إيه أفضل تابلت للقراءة؟

لو هدفك القراءة بس , تختار تابلت ايه؟


مع الانتشار الواسع للهواتف الذكية و التابلت، تزايد الاعتماد عليهم في الحياة اليومية سواء في التواصل مع العائلة والأصدقاء أو تصفح الإنترنت أو حتى قراءة الكتب والمجلات، اللي بقى من السهل الحصول عليهم و شرائهم عن طريق الهواتف الذكية أو التابلت الخاص بيك في أي وقت وأي مكان!

ومن أهم التابلت التي بتستخدم في قراءة الكتب الإكترونية ebooks والمجلات : الـ Nexus 7 ،Kindle Fire ،Barnes & Noble Nook Color وأخيرًا الـ ipad 2، واللي بيختلف كل منهم عن الآخر في الشكل والمحتوى والخدمات اللي بيقدموها.

الحجم والوزن

Nexus 7
340 جرام، 7.82 بوصة طول في 4.72 بوصة عرض.

Kindle Fire

413 جرام، 7.5 بوصة طول في 4.7 بوصة عرض.

Nook Color

448 جرام، 8.1 بوصة طول في 5 بوصة عرض.

iPad 2 

607 جرام ،9.5 بوصة طول في 7.31 بوصة عرض.

الأخف وزنًا: Nexus 7

الأصغر حجمًا: Kindle Fire 

الشاشة

Nexus 7

شاشة 7 بوصة IPS LCD 800 x 1280 بدقة 216ppi ، بتتميز بروئية واضحة من مختلف الزوايا، وروئية جيدة في الإضائة الخارجية.

Kindle Fire
شاشة 7 بوصة IPS LCD 600 x 1024 بدقة 170 ppi، الشاشة بتعكس الضوء واللي بيخلي من الصعب القراءة في الإضائة الخارجية. 

Nook Color

شاشة 7 بوصة IPS LCD 1024 x 600بدقة 170 ppi، الشاشة معدلة خصيصًا عشان تقلل انعكاس الضوء وبتدي قراءة واضحة من مختلف الزوايا.

iPad 2

شاشة 9.7 بوصة IPS LCD 768 x 1024 بدقة 132 ppi، تتميز الشاشة بروئية واضحة من مختلف الزوايا، ولكنها بتعكس الضوء بشكل كبير واللي بيخلي القرائة صعبة شوية، ولكن ممكن المشكلة دي تتحل باستخدام anti-glare screen protector لتقليل انعكاس الضوء و حماية الشاشة.

المحتوى (e-books)

Nexus 7

بييجي مجهز بتطبيق الـ Google Books واللي بيدعم تشغيل الـ EPUP والـ PDF، وكمان بيدعم تنزيل تطبيقات e-readers ثانية بتدعم مختلف الـ formats، وبيدعم أيضًا تنزيل وشراء المجلات مباشرًة من الـ play store.

Kindle Fire

قادر على تشغيل و قراءة الكتب ذات الـ formats التالية: Kindle (AZW)، TXT،PDF، unprotected MOBI، DOC، DOCX.

Nook Color

بيقدر يشغل ويقرأ الكتب ذات الـ formats التالية:  EPUP،PDF، CBZ، XLS، DOC،PPT،TXT، DOCM،XLSM، PPTM، PPSX، PPSM،DOCX، XLX، PPTX.

iPad 2

مجهز بتطبيق الـ iBooks  واللي بيدعم تشغيل الـEPUP والـPDF، وبيدعم تنزيل تطبيقات e-readers أخرى  بتدعم مختلف الـ formats.

وهنا بيتميز الـ  Nexus 7 والـiPad 2   عن الـ Kindle Fire والـ Nook Color ذلك لأنهم بيدعموا إمكانية تنزيل تطبيقات ثانية خاصة بالكتب الإكترونية، بل بيدعموا تطبيقات Kindle، Nook، Kobo وغيرهم، واللي بيديك الفرصة إنك تختار بين تشكيلة أكبر من الكتب. 

الذاكرة

النيكسس 7 فيه مساحة محدودة : 8GB أو 16GB، بينما الـKindle Fire فيه مساحة 8 جيجا وبيعتمد في التخزين بشكل كبير على الـ Cloud، أما الـ Nook Color عليه مساحة 16 جيجا مع قابلية استخدام كارت ذاكرة حتي 32 جيجا. و بالرغم من إن الأيباد 2 عليه مساحة محدودة، 16 أو 32 أو 64 جيجا، إلا إنه يعتبر أكبرهم من حيث المساحة.

البطارية و بينما قد يختلف عمر البطارية على حسب الاستهلاك، خاصًة إن النيكسس 7 و الأيباد 2 لهم استخدامات ثانية بجانب الـ e-reader، إلا إن بطارية الأيباد 2 أكبر من باقي الـ readers (لحد 10 ساعات).

إضافات

بالرغم من إن كل من الـ Nexus 7،  ،Kindle Fire والـ Nook Color بيشتغلوا بنظام الأندرويد، إلا إن الشكل العام مختلف تمامًا بينهم، فالـ Kindle Fire والـ Nook Color بيعتمدوا على نسخ معدلة من نظام أندرويد بس الـ Nexus 7 فيه نسخة غير معدلة من أحدث إصدار لنظام أندرويد، وده بيديله طابع مختلف و ربما غير مستحب. التعديلات اللي في كل من الـ Kindle Fire والـNook Color بتديهم طابع مميز، فالـ Kindle Fire مجهز بكل خدمات Amazon المتنوعة مع عروض وخصومات خاصة  لممتلكي الجهاز، وفي نفس الوقت، الـ Nook Color مجهز بخدمات Barnes & Noble  وخصومات و عروض خاصة أيضًا لممتلكي الجهاز.

وبالرغم من كده، يظل الأيباد 2 و النيكسس 7 الأفضل، و ده لأنهم على نسخ غير معدلة وغير مقيدة ومحدودة زي الـ Kindle Fire والـ Nook Color.

الخلاصة

يعتبر الأيباد 2 أفضل اختيار، فالبرغم من إنه أكبرهم حجمًا وإن الشاشة قد لا تكون الأفضل من أجل القراءة، إلا إنه بيقدم أكبر تشكيلة من الـ e-books وأحسنهم من جانب مساحة التخزين وعمر البطارية، بجانب توفر نسخة 3G منه بتديك القدرة على تنزيل و شراء الكتب في أي وقت والاستمتاع بيها.  وإذا كنت من محبي نظام أندرويد، في العديد من الـتابلت الـ7 بوصة اللي بتوفر لك اللي مش بيوفره النيكسس 7 من دعم الـ 3G وتوافر ذاكرة خارجية وبتوفر لك نفس الخيارات من ناحية الكتب الإكترونية والمحتوى بشكل عام . 

التعليقات

تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق