• الرئيسية
  • اﻷقسام
  • تقييمات
  • مقالات
  • أدوات و إرشادات
  • أخبار
  • عن ريفيوزات
  • السياسات
  • جوجل نيكس 7

    المميزات: يُعتبر الـ Nexus 7 من أقوى الـ tablets من ناحية الـ  hardwareعشان فيه quad-core processor NVIDIA Tegra 3 chipset ومُجهز بتقنية الـ NFC، بجانب إنه فيه أحدث نسخة Android ، Jelly Bean، وبسعر منافس.

    العيوب: الـNexus 7  مش بيدعم 3G، ومساحة ذاكرته محدودة( 6GB أو 8GB) وماينفعش تزودها، فيه كاميرا أمامية بس. 

    الخلاصة: لو كنت مش بتمانع حجم الذاكرة بتاع الـ Nexus 7 وعدم وجود 3G، فالجهاز ده مناسب ليك.

     

     

    تقييم جوجل نيكسيس 7

     

    Google Nexus 7 in hand

    الشكل والتصميم

    الـ Nexus 7 مستطيلي الشكل بطول 7.8 بوصة وعرض 4.7 بوصة ويشبه بعض الـ Kindle Fire شوية من قدام، ولكن الجهة الخلفية للجهاز متغطية بطبقة شبيهه بالجلد وبتديله ملمس مميز وشكل راقي وبتسهل الإمساك بيه.في الواجهة الأمامية للـ Nexus 7 في الكاميرا الأمامية بدقة الـ 1.2MP في المنتصف، اللي مافيهوش زراير عشان بيعتمد على الـ software buttons الموجودة في نظام Android، وهنلاقي زرار الـ power/sleep و زرار تعديل الصوت على الجانب الأيمن.

    الإمكانيات

    الـNexus 7 مجهز ببروسيسور Tegra 3 1.3 GHz quad-core و1GB RAM، واللي بيخليه مناسب لكل الاستخدامات، خاصًة الألعاب القوية  ومشاهدة الافلام  والـ browsing غيرها من المهام. الـ Nexus 7 مش بيدعم استخدام ذاكرة خارجية وبييجي بذاكرة داخلية 8GB أو 16GB وبيختلف كل منهم في السعر على حسب حجم الذاكرة، وده ممكن يعيقك في نقل أغانيك وأفلامك المفضلة عليه. الـ Nexus 7 بيتميز عن غيره من الـ tablets عشان مزود بتقنية الـ NFC بجانب الـ Wi-Fi وBluetooth وGPS، لكن مش بيدعم 3G.

    بالرغم من وجود كاميرا أمامية في الجهاز، إلا إنه مافيش تطبيق خاص لالتقاط الصور، عشان الكاميرا معمولة أساسًا لـvideo calling  وجودتها مش عالية.

    الـ Nexus 7 فيه بطارية 4325 mAh غير قابلة للتحريك وبتعد لحد 10 ساعات.

    الأداء

    بيتميز الـNexus 7 بإن فيه أحدث نسخة Android، Jelly Bean 4.1، واللي بتضيف مميزات وخصائص جديدة  لنظام Android، ويلاحظ بشكل كبير في واجهة النظام إنها إتضاف لها تحديثات جديدة. ومن أهم الخصائص اللي أضيفت مع نسخة Jelly Bean، هي خاصية  الـGoogle Now واللي بتشبه Siri اللي بتنزل على الـ iPhone، لكنها أكثر تطورًا. يعتبر الـNexus 7 منافس لأجهزة الـ Kindle Fire من حيث الحجم والسعر عشان بيقدم لك خدمات Google المتعددة وإمكانية شراء الكتب والمجلات والأفلام والأغاني من الـ Play Store، بجانب التطبيقات والألعاب.

    و بالرغم من عدم وجود انتقادات لأداء الـ Nexus 7، إلا إن في انتقادات على وجود العديد من التطبيقات والألعاب اللي مش بتتوافق معاه.

    الخلاصة

    لو كنت مش بتمانع حجم الذاكرة بتاع الـ Nexus 7 وعدم وجود 3G، فالجهاز ده مناسب ليك.