• الرئيسية
  • اﻷقسام
  • تقييمات
  • مقالات
  • أدوات و إرشادات
  • أخبار
  • عن ريفيوزات
  • السياسات
  • سوني إكسبيريا نيو إل

    المميزات: فيه شاشة 4 بوصة بتخلي التصفح  والقراءة على التليفون أسهل وأكثر متعة . 

    العيوب: صغر حجم الذاكرة الداخلية، إمكانيات المعالج ضعيفة بالنسبة لتليفون بيشتغل على اندرويد 4، الهيكل البلاستيكي وسمك التليفون الكبير نسبيًا.

    الخلاصة: ما يعتبرش تطور كبير عن إكسبيريا نيو وبالتالي في خيارات أحسن منه في السوق.

     

     

    تقييم سونى اكسبيريا نيو إل

    الشكل والتصميم

    بالرغم من إن كل تليفونات سوني الحديثة بتيجي بتصميم مختلف عن موديلاتها السابقة، إلا إن سوني إكسبيريا نيو إل تصميمه مشابه أكثر لسوني اريكسون إكسبيريا نيو. الإكسبيريا نيو  فيه زراير فعليه، على عكس الموديلات الحديثة اللي بتيجي بزراير الشاشة، ده غير إن خامته  معمولة من البلاستيك .

    وبينما يتشابه الإكسبيريا نيو إل مع الإكسبيريا نيو بشكل كبير في التصميم، إلا إن في شوية اختلافات جذرية، الإكسبيريا نيو إل شاشته أكبر وأعرض، وفيه أربع زراير تحكم ، بينما الإكسبيريا نيو فيه ثلاث زراير بس. ومن الاختلافات أيضًا في التصميم إن الإكسبيريا نيو إل مافيهوش زرار مخصص للكاميرا زي الإكسبيريا نيو.

    من أكثر الانتقادات اللي وجهت للتصميم هو إن الزراير الأربعة صغيرة الحجم ومش من السهل الضغط عليها، كما انتُقد تصميم الهاتف في إن كارت الذاكرة الإضافي مكانه تحت البطارية، وده بيجبرك على إنك تقفل التليفون قبل قبل ما تخرج الكارت.

    الإمكانيات

    السوني إكسبيريا نيو إل مُجهز بمعالج  1 جيجا هرتز و مشغل اندرويد 4 ايس كريم ساندوتش واللي بيخليه مناسب لتشغيل كافة التطبيقات والألعاب  والقيام بالمهام  التقليدية زي التصفح . التليفون فيه حوالي 1جيجا بايت ذاكرة داخلية، متاح منهم حوالي 300 ميجا ، ده غير إن اللتليفون فيه  RAM 512 ميجا واللي مش بتضمن أداء سلس. الإكسبيريا نيو إل مجهز بـ واي فاي و بلو توث و جي بي إس.

    بالإضافه إلي أنه  يتيح للمستخدم إضافة ذاكرة خارجية للتليفون تصل إلى 32 جيجا. التليفون مزود بكاميرتين، كاميرا VGA أمامية لمكالمات الفيديو، وكاميرا خلفية بدقة 5 ميجا بيكسل مع فلاش وإمكانية تصوير فيديو 720p HD.


    بالرغم من إن التليفون ده من المفترض أن يكون النسخة الأحدث والأفضل من الـ Xperia neo ، إلا إن الـ  Xperia neo L  فيه إمكانيات تشبه، وفي بعض الأحيان، أقل من سابقه . زي ما أشرنا، الـ Xperia neo L  فيه كاميرا 5MP، بعكس الـ 8MP اللي في الـ Xperia neo، ده غير إن الـ Xperia neo L ما فيهوش راديو FM ولا وصلة micro-HDMI، بعكس الـ Xperia neo.


    التليفون فيه بطارية 1500 mAh عمرها متوسط، وممكن استبدالها ببطارية  عمرها أطول. 

    الأداء

    زي كل تليفونات سوني ، الإكسبيريا نيو إل عليه واجهة التايم سكيب،  واللي بتقدم لك مجموعة مختلفة من الثيمات و الأيقونات ، بالإضافة لاندماج فيسبوك و تويتر في نظام التشغيل. بينما لا تعتبر مواصفات الجهاز ضعيفة، إلا إنها تعتبر ضعيفة و مش مناسبة لتشغيل أندرويد 4.0. ده غير إن في تأخير مستمر عند التعامل مع الجهاز عند فتح أي من التطبيقات. وبالرغم من إمكانيات التليفون اللي تعتبر محدودة (مقارنًة بالتليفونات المتاحة في الأسواق حاليًا)، إلا إنه بيقدم تجربة تصفح كويسة، وألعاب زي Angry Birds و Amazing Alex وغيرها من الألعاب.

    الخلاصه

    ما يعتبرش تطور كبير عن إكسبيريا نيو وبالتالي في خيارات أحسن منه في السوق.